Праект кавярні MOBY DICK мы пачалі ў снежні 2018 года. Замоўцы прыйшлі да нас са сваім уласным бачаннем будучай установы. Асноўная ідэя - гэта стварэнне прасторы з атмасферай кватэры савецкага прафесара, які доўга падарожнічаў па Афрыцы і сабраў у сябе дома мноства артэфактаў цалкам процілеглай культуры. Таксама была пастаўлена задача сфармаваць «нямодны» інтэр'ер са сваім уласным характарам, у абыход трэндам і са спадзяваннем на індывідуальнасць. 
На аснове гэтай ідэі былі распрацаваныя некалькі варыянтаў інтэрпрэтацыі дадзенай канцэпцыі, адна з іх адлюстраваная ў цяперашнім інтэр'еры. 
Матэрыялы аздаблення, якія мы выкарыстоўвалі ў інтэр'еры, адсылаюць нас у эпоху Савецкага Саюза: адзінкавы паркет "ялінка", класічны столевы карніз, мазаіка на падлозе (як у савецкіх парадных). 
Амаль уся мэбля ў праекце - італьянскай фабрыкі Calligaris, выключэнне толькі саундбар ў канцы залы ад нашага мэблевага брэнда BYfurniture. Святло ад фабрыкі AROMAS (Іспанія), & Tradition (Данія) і Centrsvet (Расія). Два насценных бра, якія знаходзяцца на міжаконнях паміж вокнаў, вырабленыя спецыяльна для гэтага праекта з керамікі (Ceramic MAY). 
Барная стойка - цэнтральны элемент інтэр'еру і праца стрыт-арт мастака Жэні Cowek. Яна выкананая з колатай пліткі па нашым эскізе, які Жэня ў выніку пераасэнсаваў, дадаў нешта ад сябе, але захаваў у малюнку асноўны матыў афрыканскай расліннасці

Нарадзіўся ў 1985 годзе ў горадзе Ліда. З 2003 па 2007 вучыўся ў мастацкім вучылішчы ім. Глебава на аддзяленні "Cкульптура". У 2013 годзе скончыў Беларускую акадэмію мастацтваў па спецыяльнасці "Скульптура". Цікавяць розныя напрамкі выяўленчага мастацтва. Працуе ў такім кірунку, як мурализм, - адзін з кірункаў стрыт-арта. Арганізатар і ўдзельнік розных выстаў, фестываляў і майстар-класаў на тэрыторыі Беларусі і за яе межамі. Манументальныя работы (стрыт-арт) знаходзяцца ў Менску, Гомелі, Магілёве, Баранавічах, Рагачове, Варшаве, Вільнюсе, Гданьску, Санкт-Пецярбургу, Ярэмчы (Украіна). Удзельнік фестывалю "Vulica Brasil".