Diwali ki Saaf Safai!
Bas kuch dino mai diwali hai ... Aur aaj Sunday hai sabhi mummy papa ne apne bacho ko subhe subhe utha diya hai ye keh ke ki are "diwali sar pe hai aur inki nind katam nahi ho rahi, chalo utho ghr ki saaf saafai karni hai..." Aur ese bol ke sidhe chadar kich liya hoga.. Kuch ise tarah mai bhi uthgaya hu aur bas saaf safai mai lagne wala hu.. Aur bahar jab jaak ke dekha tho Hamare Family man wo bhi Kandil lagane mai jute hain aur unki nani bitiya apne ghar ko kuch naye rang mai paint hote dekh kush ho rahi Mano ki ghar ko bhi Diwali ke naye kapade dilaye ja rahe ho! Waise Ghar ke malik ka naam Sunil Babu hai jo dukhan ke bahar bhete diwali ke patake aur rang bech rahe hai .. Aap sochte honge ki ye Asian paint ke ad wale Sunil babu hai par nahi ye hamare mahole ke sunil babu hai jo baki samay samjadari dikhay ya na dikhye par ghr ko paint karane mai puri samjadari dikhate hai aur asian paint se hi paint karwate hai.."Kam Kharacha Full Charcha"... Chalo fir se mudte hai baki logo ki traf, Log gharon ki dhul nikalane ke saat hi saat apne gadiyon ke dhul bhi dhula ke nikalwa rahe hai ... Bacho ki diwali ki pehli wali exams katam hogai hai aur mummy papa ko diwali apne gaav jake karne ki kwahish hai aur taxi pe apna saman rakh ke nikalne ki ghai mai hai aur bache apne dosto ko bye ki pukar laga rahe hai.... Aur jo side mai ek bacha kada hai waise hi kuch bachpan mera tha jo diwali ke pehle pistol mil tho jati thi par roll diwali se pehle aur diwali ka baad nahi milti tho pistol leke bas bollywood ke kuch actions ko yaad karke road pe kadhe ho jate aur aate jaate logo ki taraf ishara de kar shoot karte rehte....chlo bas yuhin ab padte rahoge ya diwali ki saaf safai bhi karni hai.....